आमा

 मेरो खुशीमा दुई गुणा खुशी हुन्छिन्

मेरो दु:खमा चौ गुणा दुखी हुन्छिन्

आफू खाली खुट्टै काँडामा टेकेर हिड्छिन बरु

मलाई चाहिँ काँधमा बोकेर

मेरो बाटैभरि फूलैफूल बिछ्याइदिन्छिन् उनी

धर्तीकै अनुपम सृष्टि हुन् आमा

बेस्सरी माया गर्छु भन्नेहरूले

मान्छेलाई भगवान बनाए

तिरस्कार गर्नेहरुले

सम्भवतः सैतान पनि बनाए

जब सम्झिन्छु

भ्रमको चितामा बेरिएको आफ्नै लासलाई

तब ब्युतिन्छु, पुनः नवीकरण गर्न

एक बिस्कुन सपना

अनि मान्छे बनेर जिउने एउटा रैथाने अठोट ।

उहाँ लुम्बिनी प्रदेशका पूर्व स्वास्थ्यमन्त्री एवम् रोल्पा `ख´ का प्रदेश सांसद माननीय दीपेन्द्र पुन `सिजल´ ।

हुनसक्छ, कुनै ठाउँको कार्यक्रमको सिलसिलामा हाम्रै गाउँ जंकोटको बाटो भएर जानुपर्यो । होला, जङ्बाङ्स्थित बुबाको समाधी स्थललाई नियालेर मनमा केहि भावना पैदा भयो । शायद, सम्झिनुभयो युद्धकालमा जनताले गरेको निस्वार्थ सहयोग । उहाँ बिचारले भौतिकवादी भए पनि अन्तर्मनमा जाग्यो होला पितृहरुको आत्माप्रति थोरै विश्वास । र त, बुबाको फोटोलाई देखेर पनि नदेखे झैं गरेर बेवास्ता गर्न सक्नुभएन ।

मान्छेलाई, बाँचुन्जेल गरिएको पवित्र कर्मले मात्रै मृत्युपछि पनि सम्मान पाउन लायक बनाउछ । म अहिलेसम्म पनि समाजमा बुवाकै सम्बन्धले जोडिन्छु, बुबाकै ईमानले गर्वका साथ चिनिन्छु । आफुलाई सधैं एक अशल बुबाको अत्यन्तै भाग्यमानी छोरो सम्झिरहेको हुन्छु ।

आदरणीय सिजल दाइले बुवाप्रति दर्साउनु भएको श्रद्धाका लागि आभारी छु र उहाँको उदार र बिशाल हृदयप्रति नतमस्तक छु ।

आज परेको १६औं पुन्यतिथीमा बुबाकै आदर्श पछ्याइरहने संकल्प गर्दै बुवाप्रति पुनः हार्दिक श्रद्धाञ्जली अर्पण गर्दछु ।

समाज र सम्बन्ध

बिश्वास र व्यबहारमा बुबाकै नाउँ छ

परेको बेला एक छाक गाँस र एक रात बास

सबैसबैमा बुबाकै देन छ

यस्तो एक अशल र आदर्श बुबाको मर्यादा जिन्दगीभर उँचो रहिरहनेछ ।

पन्ध्रौं पुण्यतिथिमा हार्दिक श्रद्धाञ्जली बुबा!

2 April 2024

कला, साहित्य र संगीतले दर्शक, स्रोता र पाठकको मनलाई उद्वेलित बनाएर खुशीको होस् या पिडाको, अनायास आँसु झार्‍यो भने त्यो सिर्जना सफल ठानिन्छ । त्यो सिर्जनशीलताको शक्ति पनि हो ।

आफ्नै जीवन बुझ्न त कठिन हुन्छ भने अरुको जीवन, संघर्ष र सम्बन्धलाई केलाएर पर्दामा उतार्नु पक्कै पनि सजिलो काम होईन ।

यस अर्थमा चलचित्र `दिलसरा´ सबल र सफल बनेको छ ।

चलचित्र प्रदर्शनीमा निमन्त्रणा गर्नुभएकोमा मीना जीलाई धेरैधेरै धन्यवाद ।

चलचित्रका नायक एवम् भाइ कल्याण राना मगर, निर्माता मीना थापालगायत सम्पूर्ण दिलसरा युनिटलाई बधाई छ ।

आगामी प्रोजेक्टका लागि शुभकामना!

स्कुल पढ्दै गर्दा तिमीसँग थुप्रै रंगीचंगी सपनाहरू थिए । तिम्रो सपना पुरा हुनु नै मेरो पनि सपना पुरा हुनु झैं लाग्थ्यो । अहिले आएर तिम्रो एउटा सपनाको सुखद उडान भएको छ ।

सफलताको शुभकामना, शुभ यात्रा साथी निरज!