राजनीति : अनुमान र अनुभव

राजनीति आफैंमा फोहोर होईन तर दुर्घन्धित मान्छेहरूले राजनीतिलाई डम्पिङ साइत बनाइदिए । देश र जनताको हितमा काम गर्न सत्ता साधन मात्रै हो, साध्य होईन भन्ने तथ्यलाई बिर्सेर सत्ताप्राप्तिलाई सबथोक ठान्नथाले । राजनीति गर्नेहरू नै राजनीतिक बुझाइमा प्रष्ट भएनन् । नागरिकका लागि देशको समृद्धि र सुशासन प्रमुख हो । पार्टीको बिचार र व्यक्तिको व्यबहार महत्त्वपूर्ण हो । जसरी पनि पद पाउने र कुर्सीमा पुग्ने प्रवृत्ति रहुन्जेलसम्म पार्टी र पात्र जति फेरिए पनि जनमुखी सरकार बन्दैन र त्यसले बिशेषगरी तल्लो बर्गका जनताको जीवनमा खासै फरक पार्न सक्दैन ।

अब मुलतः

कांग्रेस, एमाले र माओवादी केन्द्र (आंशिक) - लोकतान्त्रिक धार

माओवादी केन्द्र, बिप्लव र अन्य कम्युनिष्ट घटक - माओवादी धार

राप्रपा र अन्य दलहरू - राजतन्त्र र हिन्दुराज्यको वकालत गर्ने धार

अब राजनीतिक स्थायित्वका लागि मुख्यतः यिनै तीन धारमा आधारित पार्टी निर्माण गरिनुपर्छ । प्रत्यक्ष निर्वाचन प्रणालीको ब्यबस्था गरेर मुद्दाअनुसार चुनावी प्रतिस्पर्धामा जानुपर्छ । अहिलेको अस्थिरतालाई निकास दिन जतिसक्दो चाँडै ध्रुवीकरण भएकै उचित हुनेछ । देशको लागि अभिशाप बनेको दलीय खुद्रा ब्यापारलाई सधैंका लागि अन्त्य नगरी नहुने भयो ।

जनता सुध्रिनुछ, नेता झन् धेरै सुध्रिनुछ । अन्यथा भविष्यमा पनि यहीँ दुष्चक्र दोहोरी नै रहनेछ ।

6th March 2024