Thursday, September 4, 2025

श्रमिक दिवस

 म श्रम बेच्ने ब्यक्ति हुँ, त्यो पनि रातदिन । मैले जस्तै अधिकांशले सामान्य जीवनयापनका लागि आफ्नो समय, स्वास्थ्य र सबथोक बेच्नुपर्छ ।

केवल एकछाक खान, जिउ छोप्न, सुरक्षित बस्नकै लागि जीवनभर संघर्षरत रहनुपर्छ । बिरामी पर्दा उपचार गर्न र स्कुल पद्न त झन् अलि परको कुरा भयो ।
परिवर्तनको आशामा धेरै आन्दोलन भए । रगत धेरै बग्यो । धेरैको सहादत पनि भयो । जोजो आए अनुहार मात्रै नयाँ आए, मानसिकता उस्तै पुरानो लिएर आए । गरिखानेहरु दु:ख र अभावमै मरिजाने, खुनपसिना चुस्नेहरु मोटाउदै जाने परिपाटीको अन्त्य हुनै सकेन ।
शासन सत्तामा पुग्नकै लागि दलिय पसल थाप्नेहरुले समाधानका लागि ठोस पहल थाल्न छाडेर मजदुर दिवसमा भाषण र वक्तव्यवाजी गरिरहनुको कुनै औचित्य छैन ।
कहाँ छ श्रमको मुल्य? कसले गर्छ श्रमको सम्मान? खोइ श्रमिकहरुको आत्मसम्मान? यस्ता थुप्रै प्रश्नहरुले उत्तर पाउने र श्रमजीवीहरुको अपुरो र अधुरो सपना पुरा हुने वातावरण सिर्जना गर्नतिर राज्यले उपयुुक्त कदम चाल्नैपर्छ ।
म दिलैदेखी श्रममा विश्वाश गर्ने, श्रममै बाँच्ने एक श्रमिक हुँ । सम्पूर्ण श्रमिकहरुलाई मेरो पनि शुभकामना छ ।
1 mAY 2024

No comments:

Post a Comment