मान्छे बिरामी पर्दा
म डाक्टरलाई सम्झिन्छु
देश अस्थिर बन्दा
म राजनीतिज्ञलाई सम्झिन्छु
मान्छे रोगी भए, परिवारले दु:ख पाउछ
रोगी देश सम्हाल्ने गहन जिम्मेवारी
रोग सन्चो पार्ने पवित्र कर्तव्य
समाज र देश बदल्ने सुनौलो सपना
यी सबैसबै अठोट सोचिरहदा
म सधैंसधैं गर्वले तिमीलाई सम्झिरहन्छु..
तिमीले रोजेको कठिन यात्रामा तिम्रो जन्मदिनले थप उर्जा प्रदान गरोस् र आउने दिनहरू अझै अर्थपूर्ण बन्दै जाउन् ।
सहयात्राको साथ असीम शुभकामना!
मैले प्रेम, बिश्वास र सम्बन्ध रुचाउँछु र त निर्धक्क भएर तिमीलाई रोजे । समय, संघर्ष र संस्कार मन पराउछु र त जीवन समर्पण गर्ने हिम्मत गरे । सामाजिक यात्रा कठिन र गन्तव्य टाढा होला तर भरपर्दो सहयात्री बनेर हरेक पाइलामा साथ रहिरहनेछु ।
तिम्रो उर्जा, निष्ठा र कर्म सधैंभरि यस्तै कायम रहिरहोस् । बरु तिम्रो स्वच्छता, धैर्यता र इमान्दारीताले मलाई पनि एउटा अशल मान्छे बन्ने प्रेरणा मिल्दै जावस् ।
तिम्रो खुशी, प्रगति र सुस्वास्थ्यको धेरैधेरै शुभकामना ।
No comments:
Post a Comment