यसपाली नि फागुमा
होली त खेल्छ्यौ नै होला ।
उदास त्यो मुहारभरी
रङ नै रङले पोतिएला नै
पुरुषत्वको आडम्बरमा सदा झै
रङ्याइन्छन् नै होला - पुरै अङहरु ।
सत्य जितेको खुशीयालीमा
एउटा उत्सव मनाउन आतुर तिमी
आजैदेखी पुन: जिन्दगीमा
अरु निराशाहरु थप्न वाध्य छ्यौ ।
रङले पनि मुक्त गर्न नसकेका हाँसोहरु
खै! ति कहिले खुल्ने होलान!?
जिउमा अनेक रङहरु पोत्दा-पोत्दै
छताछुल्ल पोख्न विवश छ्यौ
तिम्रै खुशीहरु ।
जीवन भर्ने - रङ
जीवन बोल्ने - रङ
अब के तिम्रो जिन्दगी पनि उस्तै रङिन होला त!?
मैले बल्ल त्यो एक दिन
हातमा एक मुठ्ठी रङ लिएर हाजिर हुनेछु
र, घस्नेछु तिम्रो मुहारभरी ।
पोहोर साल झै यसपाली नि
फिक्का होली त खेल्छ्यौ नै होला ।
2070/12/02
Sunday, March 16, 2014
Subscribe to:
Posts (Atom)