Tuesday, September 11, 2012

हामी र हाम्राहरु

सगरमाथा
बुद्ध
नेपाल
यि हुन हाम्रा ।

शिखरको उचाई
सर्बोच्च शान हाम्रो
शान्तिको मन्त्र
बुद्दत्व ज्ञान हाम्रो
यि हुन नेपालका गौरव
हामी नेपाली
नेपाल हो स्वाभिमान हाम्रो ।

सगरमाथा हाम्रो होइन अरे!
न त बुद्द नै हाम्रो हुन अरे!
राता-रात सिमा कोरियो
दिनदहादै मान्छे चोरियो
को रह्यो, को हरायो
खोइ! कोही बोल्दैनन यहाँ ।

कहिले हाम्रो शीर काटियो
कहिले हाम्रो मन फाटियो
हाम्रो मौन सहिष्णुतालाई हेपेर
अहिले स्वाभिमानमाथि निर्लज्ज कुल्चियो ।

हामीलाई दुख्छ, ऐया! भन्छौ
हामीले देख्छौ, खबरदार भन्छौ
हाम्रो बानी बालापन मात्र अरे!
हाम्रो बोली परिपक्क हुन्न अरे!
बिडम्बना!
खोइ त हाम्रो दाजैलाई दुखेको !?
खोइ त काले-गोरेलाई हप्काको !?

हाम्रो सगरमाथालाई
निर्धक्क हाम्रो भन्न नपाउदा
हाम्रो बुद्धलाई
ससम्मान हाम्रो भन्न नपाउदा
कुन्ठित राष्ट्रियता बाँच्न बिबश पार्दैछ
हामीलाई हाम्रै देशले
अन्यथा
हाम्रो स्वाभिमान माग्न पाउनै पर्छ
हाम्रो सगरमाथा र बुद्द फिर्ता ल्याउनैपर्छ ।
10 September 2012
                   (भारतमा नक्कली लुम्बिनी खडा गरिदैछ, सगरमाथा हाम्रो देशको भनेर पाठ्यक्रममै पदाइदैछ । अमेरिकाले हाम्रो बुद्धलाई पाईलामुनी राखेर कुल्चिदैछ । देश र जनताको प्रतिनिधित्व गर्नेहरुले राष्ट्रिय भावनामा ठेस लाग्दा समेट सम्बन्धित ठाउँ र ब्यक्तिसँग केही नबोल्नुले अझ पिडाबोध भएकोछ । यो कुरो धार्मिक, भौगोलिक, ऐतिहासिक र राष्ट्रियताको हो । हाम्रा राजनैतीक नेता, प्रधानमन्त्री, मन्त्रीहरुले बिदेशी कुटनीतिज्ञहरुलाई भेट्दा यि सवालहरु उठाएउनु किन आबश्यक ठान्दैनन् ? आखिर यो तथ्य नै त हो । अब उनिहरु सिङो नेपाल र नेपालीको प्रतिनिधित्व गर्न सक्षम छन् वा छैनन्? हुन् या होइनन् ? सोचनिय र गम्भिर आशंका उब्जिएको छ ।)

Friday, September 7, 2012

चमेरा र दार्शनिकहरु

मेरो गाउँ
म सम्झिन्छुँ
पल्लोपट्टि एकछाङे भिर
भिरमा पहरा
पहरा माझ एक गुफा पनि ।

पहरा र गुफाभरी
लस्करै झुन्डिएका
अनगिन्ती चमेराहरु
हरेक दिन
म चमेरा चियाउछु
हरेक साँझ
म चमेरा चाहार्छु
चमेराहरु झुन्डि नै रहन्छन ।

अचेल मलाई खुब याद आउछ
तिनै पहरा र गुफाहरु,
उधोमुन्टो झुन्डिएका चमेराहरु
अनी तिनले थुपारेका बिस्टाहरु ।

अचेल फेसबुक भित्ताभरी
त्यसरी नै झुन्डिएका देख्छु
महान दार्शनिकहरु
र, तिनले बिसाएका
आदर्शका थुप्रोहरु ।

ति चमेरा र दार्शनिकहरु
एकै प्रजातिका होइनन
तर समानता छ
उभिण्डोमुखी बाँच्छन    
बेला कुबेला उड्छन
उडिरहन्छन अध्यारोमा
न भुई टेक्ने आँट गर्छन
न त आकाश छुने नै ।
03 September, 2012
पोखरा

(म पोखरा घुम्न गा'को मेसोमा चमेरे गुफा अबलोकन गर्ने अबसर पनि मिल्यो । त्यहा उभिन्दोमुखी झुन्डिएका चमेराहरु देखेर आफ्नो बाल्यकाल सम्झिएँ । बाल्यकालका ताजा सम्झनाहरु सँग बर्तमान अनायास जोडिन पुग्यो । आजभोलि फेसबुकका भित्ताभरी महान दार्शनिकका झै लाग्ने आदर्शवादी उक्तिहरु उसैगरी झुन्डिएको भाण भयो, जो अधिकांश यथार्थ भन्दा धेरै नै मनोगत र एकांकी लाग्छ । मैले धेरै पछी कबिता कोरेको हुँ, यसलाई चमेरे गुफाको चिनो पनि ठानेको छु ।)

मे '१२


- आमाले जन्म दिनु आँफैमा सौभाग्य हो, शिशुले आँफै पनि पुनर्जन्म लिनु अर्को सौभाग्यको महत्वपूर्ण पाटो रहेछ । जीवन साँच्चीकै अमुल्य छ ।
आज मैले जे महशुस गरें ।
(हरेक दिन जसो हस्पिटलहरुमा कतिपय भ्रुणहरु तुहिन्छन्, तुहाइन्छन् र केही जन्मेका बच्चाहरु पनि सबैले जीवन पाउदैनन्, कतिले त पहिलो आवाज निकालेर मात्रै सधैंका लागि बिदा हुन्छन् । चाहेरै पनि न हाँस्न पाउछन्, न आँखा खोल्न, न त बाँच्न नै । आमाले, डाक्टरले वा अरु कसैले पनि जीवन दिन नसकिदो रहेछ । शायद, त्यो आँफैले कोरेर आउनु पर्दो रहेछ क्या रे ।)
02 May, 2012

- हामी नेपालीहरु गरीब छौं तर स्वास्थ्य उपचार गर्न निकै महँगो छ । तसर्थ, सरकारले स्वास्थ्य बीमाको निती लागु गरेमा केही राहत मिल्ने थियो र साथीहरुसँग भन्ने पनि गर्थें कि," नेपालीहरुलाई दैबले हात थापेको छ । अन्यथा, रोग लागिसकेपछी अधिकांश नेपालीहरुसँग रोगको उपचार गर्ने पैसा नै हुँदैन ।" तर आज माछापुछ्रे हिमालमा आएको हिमपहिरोको घटनाले साह्रै दु:खी र मर्माहत बनाएको छ । अब त दैब पनि दाँया रहेनछन् ।
उता लाशको गन्ती र खोजी भैरहेछ, यता शपथ चलिरहेछ उनै जनताको नाममा ।
यस्तै रहेछ यहाँको रिती ।
मेरो हार्दिक श्रदान्जली!
05 May, 2012

- गौतम बुद्ध मानव हुन । उनी नेपालको लुम्बिनीमा जन्मिएको ईतिहास साक्षी छ तसर्थ उनी नेपाली नै हुन ।
बुद्ध जयन्तिको अबसरमा अहिंसा र बिश्व-शान्तिको कामना ।
06 May, 2012

- एकजना लामा थरकी नर्सले भनिछिन्, बेड नम्बर बाउन '५२' डिस्चार्ज तर ब्राह्मण थरको बिरामी कुरुवाले अर्थ्याएछन् 'बाहून डिस्चार्ज' । आज बिना कारण झगडा पर्‍यो, चित्त दुख्यो, आसुँ झर्यो । एकछिन अघीसम्म सँगइ फोटो खिचाइरहेका उनिहरुको अनायसै सम्बन्ध बिग्रियो, नराम्रो भयो ।
अब जातीय दंगाको दुर्घन्ध अस्पातलहरुमा पनि फैलिन थालेछ । यो घटना सच्चा नेपालीका लागि सामान्य र सहज सुचक हुँदै होइन ।
09 May, 2012

- यी थरी-थरिका नेपाली पहिचानलाई जबर्जस्ती जातीयतासँग जोडेर कुरुप नबनाइदिदा नै सबैभन्दा बदी जातीयता हुनेथियो । सम्पूर्ण जातीको उपस्थितिलाई स्विकारेर सहअस्तित्व र समानताको आधारमा अघी बदेको खण्डमा मात्र सबैको अशली पहिचान बाँकी रहनेछ । अन्यथा, बन्द र प्रतिकारमा उत्रिदा उल्टै सबैको पहिचान र अस्तित्व भष्म भएर जाने खतरा रहन्छ । हामी कसैले पनि सुर्यलाई हत्केलाले छेक्ने दुस्प्रयास नगरौं । हामीले जानी-जानी दुर्घटना नरोजौं । आफ्नो चिहान आँफैले नखनौं ।
बेलैमा चेतना भया!
11 May, 2012
(नेपालमा असम्भव देखिने धेरै घटनाहरु नघटेका होइनन् तर बिडम्बनापुर्बक भन्नु पर्ने हुन्छ कि ति कतिपय आँफैमा दुर्घटना पनि थिए । अरुलाई के, कती र कस्तो चाहिएको हो त्यो साधारण नेपालीको सरोकार रहेन तर हामीलाई चाहिएको सम्रिद्द र सिङो नेपाल नै हो । यो यथार्थ नै हो कि बिगतमा केही जातीय, भौगोलिक, धार्मिक जस्ता बिभेद भएकै हो । केही अरुको पेलाईमा त केही आफ्नै कारणले पिछडिनु परेको अबश्य पनि हो । हिजो भएका गल्ती र कमजोरिलाई सच्याएर अघी बद्नु नै बुद्धिमानी होला । जातीय, भौगोलिक, धार्मिक, साँस्कृतिक र भाषिक कुराहरुलाई अतिरन्जित तरिकाले उठाइनुले केही न केही गन्ध दिन्छ । एकै मुलुकभित्र रहेर पनि पिछडिएका सीमित जाती र बर्गलाई केइ समय अग्राधिकार र आरक्षण दिएर उत्थान गर्न सकिन्छ । आजभोलि सुनिरहेका छौ, अधिकारको कुरा गौण हुने तर जातीय कुरा चाँही चर्को हुने अली सुहाउदो कुरो होइन । यसले नियत र व्यबहारमा अलिक मेल खाँदैन । यो जातीय सदभाव खल्बलिने गरी नेताहरुले आफ्नो स्वार्थ अनुकुल खेलेर आँफै बोक्सी र आँफै झाँक्री बनिरहेको अवस्था हो । देशले अशल राजनेता मागिरहेको छ, जसले यो स्थितिलाई नियन्त्रण गर्न सक्ने सामर्थ्य राख्छ, नेताहरु भने अत्यन्तै संकिर्न मानसिकता लिएर यो नाजुक समयलाई नियाली मात्र रहेछन् । हरेक ब्यक्तिलाई समयले नै प्रष्ट पार्दै जानेछ र ईतिहासले समिक्षा गर्नेछ, त्यो अहिले केही भन्न सकिदैन । मलाई के मात्र लागेको हो भने खोक्रो जातीय संघियता भन्दा ऐतिहासिक, धार्मिक वा भौगोलिक नामाकरण गरियोस तर बिशेष अधिकार सम्पन्न पारीयोस । यदी अधिकार पाएको खण्डमा आफ्नो जाती, भाषा र सँस्क्रितीको जगेर्णा गर्न स्वयम सक्षम हुनेछन । देश बदल्छौ भन्ने नेताहरु सधैं आफुलाई मात्र फेरी नै रहे त्यो नै हाम्रो दुर्भाग्य भयो । मेरो भन्नु यत्ती नै हो ।)

- आज जीवित देवीहरुको दिन हो ।
संसारभरिका आमाहरुलाई मेरो सादर प्रणाम !
Happy Mother’s Day!
13 May, 2012

- आजभोली फेसबुकमा थर हटाएर नामको पछाडि 'नेपाली' जोडेको देख्दा गर्वले छाती फुलेर आउछ ।
यतिखेर आफ्नै कबिता सम्झिरहेछुँ जसमा उस्तै भावना पाउछुँ । मैले सामुहिक चिन्ता नै पोखेको रहेछु, 'चन्द्रे नेपालीको मृत्यु'मा ।
15 May, 2012

- बहिनीको अबैध गर्भ तुहाए जत्तिकै सजिलो कहाँ हुदोरहेछ र!? मातृभूमीको भ्रुण तुहाउन त.. ।
म अझै स्वस्थ शिशु जन्मिने आशामा छु ।
16 May, 2012

- अचेल देशले बिपरित ध्रुवका अराजक र अतिवादी सोचहरुको प्रहार खेपिरहेछ ।
18 May, 2012

- हामीहरु अजर-अमर होइनौ तर नेपाल सदैव जीवित रहोस् भन्ने चाहन्छौं । नेपाली भएर जन्मियौं, नेपाली नै रहेर मर्न पाउँ भन्ने हाम्रो चाहना हो । हाम्रो देश अखण्ड रहनुपर्छ, हाम्रो देश सुन्दर रहनुपर्छ, हाम्रो देश बाँचिरहनु पर्दछ । देश शिरमा हुनुपर्छ, देशभक्ति मुटुमा हुनुपर्छ तर हामी पाइतला मुनी कुल्चिन खोजिरहेछौं । हामीहरु सौभाग्यले नेपाली भयौं तर नेपालीको बर्तमान दुर्भाग्य भोगिरहेछौं ।
20 May, 2012

- मेरो गाउँको बाटाभरी रगतका टाटा छन्, माटोभरी लाशका चोक्टा-चोक्टा छन् । अब खाली खुट्टाले ति भुईलाई कुल्चेर कसरी अगाडि बद्ने हो!? म अझै दोधारमा छु । न मैले, न त अरु कसैले नै यो सत्यलाई तोड्न मिल्दैन । भलै मैले आँखा चिम्लुलाँ रे तर हिजो साक्षी छ, आज सामु छ र भोली आशावादी छ ।
22 May, 2012

अप्रिल '१२

HOW?
I really don't have any reasons to tell.. May be I was in hurry to reach my destination but m thrown out of the race.. Now I realized, no more days are here to live together.. I think its easier than harder.. Yes, I must go.. I must win and need to come back soon..
I ll not let you down again!
Aamaa! Bubaa!
08 April, 2012

Everything looks so different!
10 April, 2012

The end means to complete and complete means to begin.... Yes, its time to make a another start..
Happy New Year 2069 to you all!
13 April, 201210

हरेक कुराको सिमा हुन्छ । त्यो सिमा नाघ्ने मलाई रहर छैन । अन्यथा म पनि कठोर बनेर आफ्नै मुटु निचोर्न वाध्य हुनेछु ।
17 April, 2012

के को बनाउथे र देश, मुलाहरु ।
यसो भन्न त नहुने हो तर टलटल लागेर आयो, त्यसैले ।
18 April, 2012

नेपाल बिस्फोट हुन लायक ठाउँ हुँदै होइन र हुनु कदापी राम्रो पनि होइन तर बिस्फोट हुनु पर्ने ठाउँहरु नगन्य मात्रामा देखिरहेकोछु । शायद आबश्यक पनि छ !
19 April, 2012

Sauraha: So close, So far!
20 April, 2012

Titanic: a beautiful disaster!
21 April, 2012

अब पनि पुच्छरले टाउको हल्लाउने दिन रहेन ।
24 April, 2012

मलाई जसले जे सोच्छ, म त्यही नै हुँ ।
यि आँखाबाट ओझेल पर्दै गैरहेको एउटा सुन्दर रुपभन्दा, त्यो मधुरो छाया अझ बदी नै प्यारो लाग्दोरहेछ ।
27 April, 2012

म बुदेसकालको सहारा हुँ ।
मेरी आमाले चाहेको बेला मैले न काध थाप्न सकें, न त हात दिन नै । त्यो कुप्रो जिउ ठाम्नलाई आजसम्म एउटा लौरो ठम्याउन समेट सकेको छैन । तै पनि मलाई राम्ररी थाहा छ, त्यो जिम्मेवारी मेरै हो, कर्तव्य मेरै हो । म अझै पनि भन्छुँ," म नै बुदेसकालको सहारा हुँ ।"
('लाउरेकी आमा'बाट)
28 April, 2012

भावना भएर पनि केही बोल्नै नसक्ने त पशु हो, हामी पशु बनिरहेछौं ।
29 April, 2012

मार्च '१२


We find Happiness in Ease but Better Happiness in Effort!
02 March, 2012

Every one stands to support me every time when I try to crawl but I m preparing to move my foot steps this time.
Yes, I must be able to walk myself!
03 March, 2012

Jogira Sarara..ra..ra..ra!
Happy Holi!
07 March, 2012

Learn from yesterday and Plan for tomorrow.. Get ready to move, get ready to score.. I'll always be with you..
Good Luck NEPAL!
09 March, 2012

Nepal played worst game but better than Maldives. I think its time to filter few players and give chance to new ones.. Especially front line.
10 March, 2012

She was beautiful. Yes, she is!
11 March, 2012

मलाई गन्हाउने मान्छेहरुसँग कुनै मोह छैन, सम्बन्ध नरहोस् पनि ।
16 March, 2012

I see, I speak and I write.. I m fully responsible for everything I do but I m not responsible for the things that I hear!
16 March, 2012
(I m totally empty but wants to be filled. So, hoping to learn some lessons, m behind you following the way you move. I m ready to listen carefully and happily. I have no doubt on the people whom I truly respect and trust.. B.B Bista and Rabindra Sameer)
11 March, 2012

सशस्त्र युद्ध गरिरहेको माओवादीले जन-गणतन्त्रको सपनालाई त्यागेको र तत्कालिन सात दलहरु राजतन्त्रलाई छाडेर गणतन्त्रको मिलनबिन्दुमा आएकै कारणले नै नेपालमा लोकतन्त्र स्थापना सम्भव भएको हो । तर, यो यथार्थ ईतिहास साक्षी हुँदा हुँदै पनि कांग्रेसभित्र बौद्दिक मानिने नेता डा. रामशरण महतको अभिब्यक्तिले सहमति भन्दा असहमतिको स्पष्ट संकेत गरिरहेको छ । दु:खको कुरा, डा. महतले सधैं समस्या सल्टाउने भन्दा बल्झाउने कोणबाट मात्र घटनालाई बिश्लेषण गरिरहेका हुन्छन् । यदी दलहरु आ-आफ्नै सिद्धान्त र स्वार्थमा 'मेरो गोरुको बाह्रै टक्का' गरिरहने हो भने त ०६२/०६३ को सामुहिक जन-आन्दोलन र अहिलेसम्म गरेको सहकार्य नै गल्ती थियो भनेर जनताका सामु बोल्ने हिम्मत गर्नुपर्‍यो । अन्यथा, मानसिक कुन्ठा र कुतर्क बोलेर राष्ट्रलाई बन्देज राख्न पाइदैन ।(बि.बि.सी. नेपाली सेवा)
15 March, 2012

हाम्रो समाज यती अराजक भैसक्यो कि कोही मान्छे उचाईमा बस्नका लागि जन्मिएका हुन्छन् तर उनिहरुलाई उकालो चद्न त दिइदैन नै, अझ बेसीतिर पनि राम्ररी बाँच्न दिइदैन ।
18 March, 2012

यानिमाया,
म अहिले धेरैपछी त्यही ठाउँमा उभिरहेछु जहाँ हामीले कुनै दिन माया पिरतीका कुरा गरेका थियौं, भबिश्यको मिठो कल्पना साँचेका थियौं । तर आज हामी सँग-सँगै छैनौ, म एक्लो छु, एक्लो.. । त्यो भित्ताभरी सजाइएको तिम्रो तस्बिरहरुले मुस्कुराउदै मलाई एकोहोरो तीर हानिरहें । म चिर निन्द्रा सुत्न अनेक जुक्ति गरें, ता पनि असफल भएँ । हाम्रो प्रेम पनि शायद संग्राहलय झै बिगतको साक्षी ईतिहास भएछ क्या रे!
मेरी यानिमाया ।
21 March, 2012

आज अलिकती चित्त दुख्यो । साहित्य प्रतिको मोहले थोरै भए पनि ठेस लगायो, साहित्यकार भनिने प्रति पनि केही बित्रिष्णा जगायो । अचम्म छ, कहिले काही नखाएको बिष पनि लाग्दो रहेछ । हामीहरुले बिषयबस्तुलाई किन सकरात्मक भन्दा बदी नकरात्मक दंगले मात्र बुझिरहेका हुन्छौ !? सबैले जानेर वा नजानेर गल्ती गरिएको हुन्छ तर आपसी विश्वाश गर्नुको सत्ता शंका र उपशंका गरेर ब्यग्तिगत कुराहरुलाई सार्वजनिक संजालमा रहस्यमयी दंगले लेखिनु कुनै पनि कारणले सहि हुन सक्दैन । तर हामी यो नियती पटक पटक देख्नु भोग्नु परिरहेछ ।        
फेसबुक कतै फेकबुक भएर पो हो कि!?
22 March 2012

फेब्रुअरी '१२


- I have always been running to reach somewhere to become a proud somebody but I think I didn’t reach anywhere and still Im nobody. Today I realized that I must try to be the part of my great father and great mother!

म सधैं केही न केही गर्ने र कोही न कोही बन्ने अस्प्ष्ट चाहना बोकेर कुदिरहेकोछु तर अझै पनि 'त्यो कोही' बन्न सकेको छैन, न त 'त्यो केही' नै गर्न सकें । आज बल्ल मैले महशुस गरेकोछु, मसँग मेरो बुवा बन्ने द्रिडता हुनु पर्थ्यो, मेरी आमा बन्ने सपना बुन्नु पर्थ्यो ।
Feb 07 2012

- मैले जीवनमा त्यो निश्चित आदर्श भेटाउन नसके पनि सफल र सुन्दर त्यो एक अंश खोज्ने कोशीस अबश्य गरिरहनेछु ।
Feb 08 2012

- So many wishes and cheerful voices, I hear
Surrounded by true hearts with love and care

I believe, a precious single word encourages million times more to breath.
No matter, we are near or miles away!

After reading so many beautiful wishes and hearing cheerful voices, I really felt that I am surrounded by true hearts with love and care.

My Respected Seniors, Dear Friends, Brothers and Sisters,
You all are the source of my happiness and successes in my life. I am delighted by your sweetness. A word ‘Thanks’ can never speak my soul!

I pray god to keep you glowing all the way.
I am the luckiest! I am blessed!!
Feb 09 2012

- म दिनेवाला हैन, लिनेवाला हुँ । दिनेवाला त सधैं माथि हुन्छ, लिनेवाला पो तल हुन्छ, जो थिचिन्छ । अन्यथा नलिइदिनु होला सर ।
Feb 10 2012

- मौन दिवस !
Feb 13 2012

- The One, who can’t Love you in Better way has No Right to Stick and Hurt you more!
Feb 15 2012

- Happy Valentine’s Day!
14th feb
(मेरो लागि बगेका ति आशुहरुसँग मलाई बदी नै डर छ । म चाहन्छु, मलाई तिनले सराप नदिऊन् किन कि त्यो सराप मैले अबश्य भोग्नु पर्नेछ । मलाई माया गर्ने ति निर्दोष मुटुहरुले कसैगरी खरानी नबनाईदिउन् । म भष्म हुन चाहन्न । म अझै केही बेर बाँच्न चाहन्छु ।)

- Dont offer your heart to a cannibal..
Yes I'm !
Feb 16 2012

- बाँच्ने शीर धेरै भो दुनियाँलाई के भनम
हुँदैछ यो युगमा रावनको पुनर्जनम
Feb 17 2012

- Neither All the Boys Take the Chances nor the entire Girls Take But some Selfish people may Misinterpret your Love and Trust.
Feb 19 2012

- I must cut down some trees and build a bridge so that I can cross the river.
Feb 22 2012

- यानिमाया,
मैले भुल्न त खोजेकैछु तर भुल्छु भन्दै झन सम्झी पो रहेछु ।
आज धेरैपछी यादमा आयौ, चसक्क भिजाएर गयौ । फेरी सपनीमा आयौ, निथ्रुक्क रुझाएर गयौ । एउटा यता हाँस्ने, अर्को उता रुने दिनहरु फेरी सम्झ्यौ कि क्या रे!
मेरी निरमाया!
Feb 24 2012

Buwaa,
Keep Guiding Me! Keep Blessing Me!!
Feb 25 2012

- जीवन सुत्र र सिद्धान्तहरुले लेखिएको किताब होइन, जसलाई हामी अनुसरण गर्नै पर्ने हुन्छ । यो त एउटा खाँली पाना मात्र हो, जहाँ हामीले भिन्नै नियमहरु आँफै लेख्नु पर्ने हुन्छ ।
Feb 26 2012

- भौतिक सुखमा भेटिने खुशी भन्दा दु:खमा भेटिने खुशी कयौ गुणा स्वादिलो हुदो रहेछ । Feb 28 2012

जनवरी '१२


- यो मेरो सपना हो कि बिपना, अझै खुट्याउन सकेको छैन ।
03 January 2012

- Keeping a space!
04 January 2012

- Moving on the earth to reach the moon..
धर्तीमा जून खोज्ने म मान्छे ।
05 January 2012

- I know, I can win n win you but I fear a day when I’ve to be a loser and the only person who can defy me.
07 January 2012

- मैले धेरै माया गर्छु भनेर देखाउनलाई मैले अरु केही गर्न जानेकै छैन सिर्फ माया मात्र गर्न जानेको छु ।
09 January 2012

- भुकम्प सङै आएको सुनामीले घर डुब्दै र भत्किदै गैरहेको थियो । केही मान्छे आनन्दले पौडी खेल्दै रमाइरहेका थिए, केही त्रसित देखिन्थे भने म चाँही टुलुटुलु हेरिरहेको थिएँ ।
10 January 2012

- Iam impressed but not attracted to u!
11 January 2012

- Sometimes impression lacks and sometimes attraction. But, I must learn to fulfill both.
12 January 2012

- कुनै एउटा निश्चित ब्यक्ति, जाती, निती र धर्म प्रतिको अधिकतम विश्वाशले मान्छेलाई सिर्जनात्मक, अनुशासित र इमान्दार त अबश्य बनाउछ तर सँगसङै उसलाई संकुचित र अन्धभक्त बनाउने सम्भावना पनि उत्तिकै रहन्छ ।
13 January 2012

- पूर्बीय संस्कारले सुशोभित आधुनिक युवती मेरो सुहाग रातमा आउछिन ।
14 January 2012

- कमरेड!
हिजो युद्धका कथिन मोर्चाहरुमा सदैव सँगसङै लड्यौ र त, रुदा-रुदै हाँसेका थियौ, हाँस्दा-हाँस्दै रोएका पनि थियौ । तर, आज एउटा रुदा अर्को हाँस्ने र अर्को रुदा एउटा हाँस्ने गरेर लोक लज्जित भैरहदा मेरो पवित्र भुईमा उभिएर फेरी बकम्फुसे गफ र हाँसिमजाक गरेछौ ।
तिम्रो आगमनले मेरो रोल्पा न उत्साहित छ न त निराश नै, सिर्फ मौन छ । त्यो मौनता गतिहिनता होईन, बरु गतिशीलताको खोजी हो ।
January 15, 2012

- प्रेम बिनाको युद्ध क्रुर हुन्छ भने प्रेमले गरिएको युद्ध सुन्दर ।
16 January 2012

अती गरे पनि अत्याचार कहिल्यै नगर्नु ।
18 January 2012

- कोही बुवाले आफ्नै नावालक छोराछोरीलाई मध्यरातमा फकाउदै लगेर नदिमा फाल्छन्, कोही शिक्षक आफ्नै विद्यार्थीलाई सिकाउने बहना बनाई कोठामा बोलाएर बलात्कार गरी हत्या गर्छन्, कोही प्रेमी आफ्नै प्रेमिकालाई 'डेटिङ'मा षड्यन्त्रपुर्बक गोली हान्छन्, कोही पती आफ्नै श्रीमतीलाई टुक्रा-टुक्रा पारी लाश समेट गायव पार्ने दुस्साहस गर्छन् ।
धन्य!
म, न चाहे जस्तो आदर्श महापुरुष बन्न सकें, न त त्यस्तो निर्दयी र क्रुर नै ।
म पुरुष भएको नाताले मौनधारण गरिरहेछु, यतिबेला ।
20 January 2012

- Gentle and Bold.. not all the time, not everywhere!
25 January 2012