तिमीलाई नै

बन्दछ स्पात थक्करमै
उम्रन्छ वाबियो अक्करमै
अत्तर नै घाऊमा ओखती
देखिन्न उषा सबेरै नउठी ।

पाठ सिकाउछन वाधाले
बलियो बनाउछन काँडाले
हल्लिन्छ पाइला थल'नि
बदी राख अचल बनी ।

ढुङ्गा मुनि टुसाको फल हेर
खम्बा बिना नाचेको झाल हेर
न बास न चारो चरिको
हाँसो छ सधैं थरी थरिको ।

पहाड फुती बन्छ मैदान
भेल बगेर हुन्छ सागर
अस्तु नै उत्तम श्री गणेश
थाकेर तिमी नखाउ हरेश ।

देखिन्न जून बादलले
छेकिन्छ घाम कुहिरोले
घामपानीले इन्द्रेणी
नौलो सृजना जहिले'नि ।

धुप र धुवा बले पनि
आत्मा साक्षी रहे पनि
साधु र चोर नछुताइ
शीतल चौतारी सबैलाई ।

लतरम्म आँश फल्दछ
गर्मीमा वायु चल्दछ
सोच्यो कि त्यो पुग्दछ
असम्भव पनि झुक्दछ ।

सुक्दैन भरेर मुहानमा
थिचिन्न मान्छे ज्ञानमा
सक्षम बनेर नझुली
बुझाउ तत्व नभुली ।

दु:खमा छिपेको सुख
हारमा लुकेको जित
रोज सबै सामु छन
खोज सबै तिम्रै हुन ।
10 Jan, '10