मेरी उनीलाई

प्रिया!
हिजोसम्म
तिमी सिर्फ मेरो थियौ
तर
म कहिल्यै पनि
तिम्रो हुनै सकिनँ ।

आज भने
तिमी अर्कैको भएछौ
तर
म तिम्रै मात्र भैरहेछु
प्यारी! सधैं सधैंका लागि ।

अचेल
घोरिदै, एकोहोरिदै
बिर्सिदिने बहानामा
धुवामा उड्न खोज्छु
नसामा झुल्न खोज्छु
तर
पटक-पटक
भुल्छु भन्दै सम्झिराछु
सम्झिदै झन टोलाइराछु
भित्र-भित्रै बेस्सरी
बिछोडले तड्पिराछु
मन-मुटु-हृदय सबै
बेदनामा जलिरहेछन
म पश्चातापले सल्किरहेछु, डडिरहेछु ।

प्रेम,
गर्नु र नगर्नुको भुल
प्रेमी,
पाउनु र गुमाउनुको दुर्दशा
झन झन म बुझ्दैछु
पिडा भनूँ या नियती?!
अहिले नराम्ररी भोगिरहेछु ।

प्रिय!
मलाई बदल्न खोज्दा
मैले उल्तै बदल्दिएछु
तर
थाहा छ तिमीलाई ?
अब म फेरिएकोछु
शब्द र नजरपछी बल्ल
हृदय र विश्वाशको
चोखो प्रेम जन्माएकोछु
पल हरपल
क्षण हरक्षण
यादहरुमा भेटिरहन्छु
तिम्रै सम्झनीमा
तिमीसङै बाँचिरहेकोछु ।
15 Oct,’10