स्वर्गको बास भन्दा मेरै पाखा राम्रो
अप्सराले गाउनेभन्दा मेरै भाखा राम्रो
इश्वरलाई भेट्ने रहर मनमा छैन,
मलाई त मेरै साथी सखा: राम्रो ।
चिच्याउदै उफ्रिदै खुब मागें बाल-अधिकार
गन्काउदै नारा-भाषण मागें युवा-अधिकार
अब त चुपचाप बस्ने नै भएँ,
जोखिममा परे'सि मेरो नागरिक अधिकार ।
मुक्ति र मृत्युको हिंस्रक युद्ध यता
शान्ती पूजक बुद्ध मेरो उच्च नेता
मार्ने र मर्ने लडाईं नगरौ अब
बाँच्नु र बचाउनु नै ठुलो मानबता ।
08 Sep,’10
Subscribe to:
Post Comments (Atom)
No comments:
Post a Comment