राम राज्य

संसारका दुई थरि मान्छेहरु 

जो अचेल शोकमा मौनमौन छन् 

गरीबले सोच्दो हुन् 

पैसा भएको भए जीवन बँच्दो हो 

धनीहरु सोच्दा हुन् 

धनले जीवन नबांँच्दो रैछ, धनको के अर्थ भो र!? 

एकादेशमा 

एकै समय कानुन पनि फरकफरक हुनेरैछ 

`बा´लाई बधाई दिन छोराछोरीको भिड हुनैपर्ने 

`आमा´ रहिनन् भने 

आमाकै मलामी जान चाहिँ सख्त मनाही छ । 

कसैका आँखा 

खुशीको आँसुले भरिएका छन् 

कसैका आँसु पिडाले निखृएका छन् 

कसैले कुर्सी जितेका छन् 

धेरैले भने अकालमै जीवन हारेका छन् ।  

शायद 

राम राज्य यस्तै हुदो हो 

शासकको मुटु पत्थरले बन्दो हो । 

३१ बैशाख ०७८ 

पोखरा